Lach- und Torfgeschichten

Vertell¿n, Döntjes un humorige Begevenheiten ut mien Kinner- un Schooltiet in¿n Dorp Düwelsmoor. Wat weer dor los?
In¿n Fröhjohr, Sommer, Harvst, Winter un to Wiehnachten. Jümmer geeft wat to beleven! In¿n Torfmoor, op¿n Buernhoff, an de lüttje Reeg bi »Jan Schoster«, op¿n Torfwerk un in¿ne School. Un wat harr de Düwel mit den lüttjen Jan vor Tüüg?
Eeten un Drinken is ok dorbi. Un een Besöök an¿n Steinhuder Meer mit den »Jungen in¿n Moor«. Ji lehrt Düwelsmoor un umto in ole Tiet kennen. »Wer weet dat denn noch al?« Jan vom Moor, de weet dat ¿
Der Autor
Jan Brünjes
foken ok Jan vom Moor nennt, is 1952 in Osterholz-Scharmbeck gebor¿n un in Düwelsmoor op den Buernhoff von sien Ollern an de lüttje Reeg opwussen. Mit dat genügsome Leven un de harte Arbeit op den lüttjen Hoff un in¿n Torfmoor in de 50er Johrn is he groot worn. Plattdüütsch hett he al Tiet snakt un pleegt, dat is jo eene ole, eegene un grootortige Sprook. Se is nu sien Leven lang bi Jan, jüst so at de Verbunnenheit toon Düwelsmoor.
2006 grünn he den Verein Dorf Teufelsmoor e.V., 2010 wor gemeensom een Buerntorfsteek nee inricht, dichtbi loter een grootet Hotel for wille Immen opstellt un de Dorpschool opwennig saniert toon »Lütten Huus in¿n Moor« utboot um de Geschichte, Tradition und Kultur in de Ortschaft Düwelsmoor to wiesen. Führungen, Vordräge, Musik un Lesungen sind in¿n Angebot.
For dat Vereensblatt hett Jan regelmäßig Bidräge un plattdüütsche Geschichten schreven, in¿n Januar 2012 schrifft he toon eersten Mol for den Heimat Rundblick ut Lilienthal in de Utgoov Nr. 100 un fangt mit de »Lach- und Torfgeschichten« eene Serie an. Bit hüüte, to de Utgoov Nr. 146 in¿n Harvst 2023, hollt de Serie an.
Jan vertellt over ok gern siene Döntjes bi Privot-, Vereens- oder Adventsfiern oder he leest vor ut siene plattdüütsche Bökersammlung un siene Themenmappen mit eegene oder oversette Geschichten un Gedichte. In¿n Sommer 2020 kööm eene fantastische Obgoov dorto. Jan oversett de »Düwelsmoor Saga«, den Roman »De Rode Gerd« in de plattdüütsche Sprook, wie se in¿n Düwelsmoor snakt word.
Bie dat Oversetten wiest sik de wunnerboren Anpassungsfähigkeiten von dat Plattdüütsche. Disse ole un besonnere Sprook is un blifft lebendig!